వాముతో కలిగే ఉపయోగాలు తెలిస్తే షాకవుతారు

మనం సాధారణంగా వామును వంటలలో వాడుతూ ఉంటాం. వాము మొక్క మొత్తం మంచి సువాసన కలిగి ఉంటుంది. వాము మొక్క పువ్వులు గుత్తులు గుత్తులుగా ఉంటాయి. ఈ గుత్తులలోనే వాము గింజలు ఉంటాయి. వాము జీర్ణశక్తికి మంచిదని మన పెద్దవారు చెప్పటం కూడా మనం తరచుగా వింటూనే ఉంటాం. అలాంటి వాములో ఉన్న ఆరోగ్య ప్రయోజనాల గురించి తెలుసుకుందాం.

*అజీర్ణంగా ఉన్నప్పుడు వాము, మిరియాలు, ఉప్పు సమాన భాగాలుగా తీసుకోని పొడి చేసుకొని భోజనానికి ముందు తింటే అజీర్ణం తగ్గుతుంది.

*వామును బుగ్గన పెట్టుకుని నమిలి చప్పరిస్తూ రసాన్ని నెమ్మదిగా మింగితే గొంతులో నొప్పి, గొంతులో గురగుర తగ్గుతాయి.

*జలుబుకు వాము మంచి మందు. వాము పొడిని ఒక గుడ్డలో కట్టి మెల్లగా వాసన చూస్తే జలుబు సమస్య నుండి బయట పడవచ్చు.

*కీళ్ల నొప్పులు ఉన్నవారు వాము నూనెతో నొప్పి ఉన్న ప్రాంతంలో మర్దన చేసుకుంటే మంచి ఉపశమనం కలుగుతుంది.

*దంత సమస్యలు ఉన్నవారు వాము నీటిని నోటిలో పోసుకొని పుక్కిలిస్తే దంత సమస్యలు తగ్గిపోతాయి.

*వాము, ధనియాలు, జీలకర్ర ఈ మూడింటిని దోరగా వేగించి కాషాయం చేసుకొని త్రాగితే జ్వరం తగ్గుతుంది.

*వామును నీటిలో వేసి మరిగించి ఆ నీటిని వడకట్టి త్రాగితే మూత్రాశయంలో రాళ్ళు కరుగుతాయి.

*తేనెను వాముతో కలిపి తీసుకుంటే కిడ్నీలో రాళ్ళూ కరిగిపోయి మూత్రం ద్వారా బయటకు వెళ్లిపోతాయని ఆయుర్వేదం చెప్పుతుంది.

*వామును తరచుగా వాడటం వలన గుండె జబ్బులు రాకుండా కాపాడుతుంది.